І пакуль мы змагаемся за вызваленне ўсіх, мы павінны пераканацца, што вызваленыя маюць выбар — застацца ці з'ехаць. І мы павінны пераканацца, што рэпрэсіі цалкам спыняцца.
Ціханоўская: «Мы не павінны здымаць ціск, а зрабіць яго яшчэ больш эфектыўным»
Лідарка дэмсілаў Беларусі – з прамовай пра сітуацыю цяпер.
Святлана Ціханоўская знаходзіцца ў Осла з працоўным візітам, дзе ўзяла ўдзел у публічным мерапрыемстве ў Нарвежскім Хельсінкскім Камітэце.
– Летась вы дапамаглі запусціць Міжнародны гуманітарны фонд. Сотні палітвязняў і сотні іх сем'яў атрымалі дапамогу. Вядома, у лепшым свеце нам не спатрэбіўся б такі фонд. Але мы жывём у іншай рэальнасці. І палітзняволеным патрэбная наша падтрымка, – агучыла яна, паведамляе прэс-служба лідаркі демсілаў Беларусі. – На жаль, арышты працягваюцца.
Рэжым выкарыстоўвае людзей як тавар для гандлю. Адных вызваляе, іншых арыштоўвае. Вызваленых грамадзянаў Беларусі дэпартавалі сілай, пазбавілі дакументаў і выгналі з краіны, не даючы ім выбару застацца са сваімі сем'ямі.
Цяпер мы бачым акно магчымасцяў. Нявызначанасць вакол Украіны прымушае рэжым ісці на саступкі, і мы павінны гэтым цалкам скарыстацца. І цяпер мы не павінны здымаць ціск, а зрабіць яго яшчэ больш эфектыўным. Лукашэнка вызваляе людзей не з-за гуманнасці. Ён робіць гэта з-за ізаляцыі.
Падчас цырымоніі Святлана Ціханоўская ўзнагародзіла спецыяльнага прадстаўніка Уле Тэр'е Хорпестада «Крыжам Добрасуседства», а Бэрыт Ліндэман, генеральную сакратарку Нарвежскага Хельсінкскага камітэта, — медалём «За выдатную працу».
Читайте еще
Избранное