Пашкевіч: «У маскоўскі сцэнарый перамовы ў Мінску цудоўна ўпісваюцца»
Гісторык ставіць пад сумнеў магчымасць умацаваць суб’ектнасць, дзякуючы перамовам у Беларусі.
— Гавораць некаторыя, што калі на «мірныя перамовы» зноў збяруцца ў Лукашэнкі ў Мінску, то гэта нібыта будзе для нас вялікае шчасце, — піша сябра Беларускага інстытута публічнай гісторыі Аляксандр Пашкевіч. — Маўляў, «для нас гэта ўмацаванне суб'ектнасці, гэта магчымасць паставіць [пытанне] аб непарушнасці ўсходніх граніц. Бо мы з'яўляемся суб'ектам тады».
Пагроза для суб'ектнасці і для непарушнасці ўсходніх граніц вядома ад каго паходзіць — ад Масквы. А ў такім выпадку, калі правядзенне перамоў у Мінску сапраўды цудоўным чынам умацоўвае суб'ектнасць і ставіць пытанне пра непарушнасць, то тады гэта ж руйнуе пуцінскія планы, праўда?
Значыць, гэтаму дзеячу такі варыянт будзе як нож востры, і ён будзе класціся ўпоперак гнілой калодай, каб гэтага не дапусціць?
Але вось мне не верыцца, што сапраўды будзе. Здаецца, адтуль нават самі прапаноўвалі, і не раз, падкантрольны ім Мінск як пляцоўку. Значыць, у маскоўскі сцэнарый гэта цудоўна ўпісваецца. А нам, значыць, маскоўскі сцэнарый таксама ок?
Читайте еще
Избранное