Навумчык: «Міласэрнасць – якасць, Лукашэнку не ўласцівая»

— У мяне вялікія сумневы наконт аптымізму некаторых аглядальнікаў, якія прагназуюць вызваленьне пэўных «знакавых» палітвязьняў, прычым бачаць у гэтым «сігнал» Лукашэнкі Захаду, — піша Сяргей Навумчык.

Добра (сапраўды добра), калі вызваленых будзе хоць дзесяць чалавек; вядомых — адзін-два. Міласэрнасьць — якасьць, Лукашэнку не ўласьцівая.

Ня будзе і ніякага зьмякчэньня  ў бок Захаду — бо калі ў тэме палітвязьняў Лукашэнка яшчэ мае пэўную аўтаномію, міжнародная лінія цалам вызначаецца Масквой.

Пуцін рыхтуецца да нападу на Эўропу, гэта шматэтапны працэс, і тэрыторыі РБ у ім адведзеная асобная роля. Роля  палігону, з цалкам падкантрольным прарасейскім насельніцтвам. І — каб ніякага, нават самага мінімума нацыянальнай ды грамадзкай актыўнасьці.

І гэта — яшчэ  адна (прычым галоўная) прычына, чаму рэпрэсіі будуць толькі ўзмацняцца.

Прабачце, што не аптымістычна. Увосень 2020-га я казаў, што дыктатура надоўга, што трэба сыходзіць з гэтага, плянуючы сваё жыцьцё (асабліва ў эміграцыі), памятаю, якія папрокі гучалі («Вы ня верыце ў нашу перамогу!»).

Якраз я верыў у перамогу, веру і цяпер. Але — вельмі няхуткую.